เนื้อเพลง ซอยจุ๊ - นนท์ กมลา

เฮาแค่มาส่อยงานผู้ใหญ่ ผู้เพิ่นใกล้บ่ไกลเฮือนกัน
คนบางคนเขาสิมีแฮงกัน ย้อนหมายหมั้นกันมานานปี
แต่ว่าแขกที่บ่ได้รับเชิญที่มาส่อยซอยจุ๊ ในมื้อนี้
คืออดีตที่เจ้าบ่อยากมี ที่เจ้าบ่อยากจำ

ถึงเจ็บและช้ำ กะอยากมาเบิ่ง
ถึงถืกถิ่มแต่เหิง กะลืมบ่ได้จักแนว

ได้เพี้ยขมๆ กับเหล้าหนึ่งกลมบ่สมโซดา
พริกผงข้าวคั่วเทมา บ่ต้องเยาะน้ำปลา น้ำตากะเค็มอยู่แล้ว
ดีกะขม เพี้ยกะขม กะยังบ่ขมทอชีวิตกูแหลว
ฟังเสียงเอิ้นเข้าพาขวัญแซวๆ พออยากตายข้างเขียง

ยามเวลาผูกแขนป้อนไข่ ใจของอ้ายหมุ่นปานซี้นในเขียง
นั่งโง่ๆแล้วกะเฮ็ดได้เพียง หลอยกินเหล้าลัดหมู่หลายแผ่ง
กะเทิงเคียดให้เจ้าของ บ่มีสมองปัญญาสิมาแต่ง
ผลสุดท้ายเจ้าเลยได้เปลี่ยนแปลง ล้างคำสัญญา

ถึงเจ็บและช้ำ กะอยากมาเบิ่ง
ถึงถืกถิ่มแต่เหิง กะลืมบ่ได้จักแนว

* ได้เพี้ยขมๆ กับเหล้าหนึ่งกลมบ่สมโซดา
พริกผงข้าวคั่วเทมา บ่ต้องเยาะน้ำปลา น้ำตากะเค็มอยู่แล้ว
ดีกะขม เพี้ยกะขม กะยังบ่ขมทอชีวิตกูแหลว
ฟังเสียงเอิ้นเข้าภาขวัญแซวๆ พออยากตายข้างเขียง

(*ซ้ำ)

ดีกะขม เพี้ยกะขม กะยังบ่ขมทอชีวิตกูแหลว
ฟังเสียงเอิ้นเข้าภาขวัญแซวๆ พออยากตายข้างเขียง